歡迎來到博物館

歡迎各位來到虧獅博物館！ 今次企劃集結一系列精選作品，希望令大家溫故知新。 以下係簡單既介紹。

兩年多了

唔經唔覺，呀虧嘅禿頭獅子形象已面世兩年有多。 自面世以來，因其可愛、貼地、多變且無厘頭嘅形象深受推友喜愛。 佢係好多推友嘅謬斯，佢嘅存在可以為推友帶來源源不絕嘅靈感。

感謝

喺短短兩年之間，眾推友以呀虧為主角所創作嘅作品已有數百份，平均每日就有一份作品面世。 2022年年中，一班喜愛虧獅嘅推友組成「國立呀虧美術館委員會」，希望將推友創作嘅呀虧作品集結成冊。 從開始籌備到本書發佈經歷N個月，呢本集結咗畫師同委員會成員心血嘅結晶終於順利面世。 係呢度要感謝各位有關人士嘅配合。

概念

今次紀念書冊以「模擬推友參觀美術館」為創作概念，但係佢嘅本質係一本畫冊， 裏面分主題收錄唔同畫師及推友所創作與呀虧相關嘅作品，其中包括九鳥所繪嘅歷史人物主題、社畜主題，眾推友合作嘅愛麗絲主題、食物主題等。 讀者打開書睇到售票處開始會被吸入書內，化身參觀美術館嘅遊客， 購票後根據委員會安排好嘅參觀路線，喺導賞員呀鳩嘅帶領之下欣賞展品。 美術館內設有呀虧主題咖啡店及禮品點，供遊客休息及購買紀念品。

衷心希望諸位可以享受今次嘅參觀！

國立呀虧美術館委員會